آمار
وب سایت:
بوجور جیران اولار؟ اولماز
_(1)(1).jpg)
اثر:استادديندار(کامران)
سنین تک داغداچؤللرده گوزل جیران اولار؟اولماز
منیم تک کوی عشقونده پریشان جاناولار؟اولماز
دوداقون غنچه دور آمما پارلدور قرمزی زرتک
نه من تنهادئیورعالم بوجور جیران اولار؟ اولماز
گولنده غنچه ی لعلون قالور حسرتده گولشنلر
سنین تک غنچه گولشنده گؤزل خندان اولار؟اولماز
مارال جیران سنی گورجک گزممزلر بو داغلاری
گؤزلیکده سنه اوخشار مه کنعان اولار؟ اولماز
سنه قوربان اولا جانیم وجودیم دفتریم دیوان
منیم تک اهل بو عالم سنه قوربان اولار؟ اولماز
اگر گلسون قوجاقیمه ایشق سالسون بو ایوانه
گلیب شاه لار کاخی همتا بو ایوانه اولار؟ اولماز
مریض عشقوم جانا بو درده بوسه دو ر د رماندور
دوداقوندن سورا بیرزاد منه درمان اولار؟ اولماز
منیم ماه منیر یمسان بهاریمسان، نگاریمسان
سنه همتا بو عالمده مه تابان اولار؟ اولماز
اوزاق گزمه اوزاق لیقدا اولار آتشفشان کؤنلویم
سهندین آتش آفشانی بوجور سوزان اولار؟اولماز
گؤرچین لر غمی فریاد ائدیلر بزمه عشقیمده
منم تک بیر نفر غمدن بوجور پژمان اولار؟ اولماز
فراقوندن شکایت وار دئیردی بی نوا کؤنلوم
بیزه بو بیوفا دلبر گلر مهمان اولار؟ اولماز
نیه بس گلمه دون ای گول سویوق ایللرده امداده
دومان اولدی طوفان قوپدی بئله داستان اولار؟ اولماز
دئردی سائلم کؤنلوم نیگاریم شاه ی خوبان دور
گدایه شاهه ظالمدن دئیون احسان اولار؟ اولماز
منیم کامران اشعاریم آلار الهام جانان نان
جهانه شعریده ای گول بوجور دیوان اولار؟ اولماز
ورود کاربران
خوش آمدید! لطفا وارد حساب خود شوید